Shtëpia e Shëndetit Kërçovë realizon punësimin e katër mjekëve

Sot në IPSH Shtëpia e Shëndetit Kërçovë realizuam punësimin e katër mjekëve – një mjek të përgjithshëm dhe tre mjekëve stomatologë – kuadro të reja profesionale që përfaqësojnë ardhmërinë e këtij vendi.

Të rinjtë që zgjedhin të punojnë dhe të kontribuojnë në institucionet tona përbëjnë një vlerë të jashtëzakonshme për komunitetin dhe për zhvillimin e shërbimeve shëndetësore.

Ky hap përforcon jo vetëm kapacitetet tona profesionale, por edhe besimin se shëndetësia mund të rritet dhe të zhvillohet me njerëz të përkushtuar, vizionarë dhe të motivuar.
Personelit të ri u dëshiroj mirëseardhje të përzemërt dhe shumë sukses në rrugëtimin e tyre profesional.

Me punë, përgjegjësi dhe dashuri për profesionin, së bashku ndërtojmë një të ardhme më të mirë për qytetarët tanë. 💚🏥
Mundi ia Vlen! Shkruan drejtoresha Jeta Qerimi në Facebook.

/kercova.net