Shqipërinë “shtet narkotrafik” ! Ja kush e thotë ?

Deputetja e VLEN-it, Saranda Imeri Stafai ka reaguar ashpër ndaj një skeçi satirik të Korit të emisionit Portokalli në Top Channel, ku politikanët shqiptarë pjesë e Qeverisë në Maqedoninë e Veriut u quajtën “kopukë”, në kontekstin e debatit për moslejimin e gjuhës shqipe në Provimin e Jurisprudencës, shkruan gazeta KOHA.

Përmes një statusi në profilin e saj në Facebook, Imeri Stafai shprehet e revoltuar me mënyrën se si është trajtuar kjo çështje në këngën humoristike, duke theksuar se realiteti social dhe politik në Shqipëri është shumë më i rëndë sesa ironizimi i përfaqësuesve politikë shqiptarë.

“Çuditërisht, në një shtet ku dallimet e shtresave sociale janë aq të thella, ku brenda ditës ndodhin dhjetëra vrasje për shkaqe më banale, ku pensionisti mezi mbijeton dhe lulëzon narkotrafiku, ndërsa degjeneron shoqëria, më mirë zgjedh të jem ‘KOPUKE’. Po, ne prapë e duam atë dhe njerëzit tanë”, ka shkruar deputetja Imeri Stafai.

/(koha.mk)