Shqiperia në këmbë , kërkohet doreheqëja e Edi Rames

Mijëra qytetarë u mblodhën për të 12-ën ditë radhazi në sheshin “Skënderbej” dhe marshuan drejt Kryeministrisë, duke kërkuar dorëheqjen e qeverisë. Protestuesit mbanin pankarta dhe flamuj kuqezi, ndërsa mes tyre kishte qytetarë nga shtresa të ndryshme, përfshirë një ish-oficer policie që kritikoi kryeministrin Edi Rama dhe bëri thirrje që rinia të vazhdojë protestat.

Në protestë mori pjesë edhe influencerja Griselda Katirai, e cila u paraqit me një jastëk si simbol i vendosmërisë për të qëndruar para Kryeministrisë nëse do të jetë e nevojshme.

Protesta e një dite më parë shënoi rekord pjesëmarrjeje dhe u transmetua drejtpërdrejt nga Reuters. Mediat ndërkombëtare theksuan zemërimin e qytetarëve ndaj projektit të Zvërnecit, ndërsa protestuesit brohorisnin se Shqipëria nuk është në shitje.

/oranews