Shoqata Uskana Usa mbajti manifestimin e radhës.

Mbrëmë, edhe një herë, jeta na dhuroi shijen e saj të preferuar, atë shijen e ëmbël e të hidhur, si për të na kujtuar edhe një herë sa e shkurtër është, dhe sa shpejt mund të zhvendosemi nga një cep në tjetrin.

Të veshur mirë, si për festë, me miq fantastik nga Zvicra, Shqipëria e Kosova, pritshmëritë ishin që do kalojmë një natë të bukur, pa e ditur që do kthehemi në shtëpi me një plagë kaq të rëndë.
Vija në mes buzeqeshjes dhe lotit qenka shumë e hollë.

Prandaj, përpara se të faleminderojmë 600 e kusur miq të pranishëm në Mbrëmjen Kërçovare, duam që në emër të secilit nga ta të shprehim ngushëllimet tona më të sinqerta për familjen Rizmani me rastin e humbjes së djalit të tyre – Besnikut.
Ne, sytë I kemi nga qielli, dhe lutemi që familja të gjejë forcë ta përballojë këtë makth, kurse secili nga ne të gjejë forcë të mbështesim njëri-tjetrin, pasi dhimbja na preku të gjithëve.

Në gëzim e në dhimbje, Kërçova mbetet e fortë edhe pse, pas rastit të djeshëm, e plagosur sa s’ka ku shkon.
Duam të përfitojmë nga postimi dhe të bëjmë thirrje për sa më shumë kujdes në rrugë. Kjo, në fakt, nuk ështe thirrje. Kjo është përgjërim e klithje që ta ruajm veten, ta duam njëri-tjetrin, të mos i kursejmë përqafimet, ta shtojmë dashurinë, dhe zemrat mos shijojnë kësi helmesh edhe një herë.

Është thirrje edhe për respekt të rregullave të komunikacionit.
Është lutje ndaj autoriteteve përkatëse që të parandalohen tragjedi si kjo, pasi dhimbja na shkrumbon.
Kërçova është shumë e madhe për zemërgjërësi, por shumë e vogël për tragjedi si këta të fundit.
Për fund, faleminderit mbi 600 të pranishmive mbrëmë!
Faleminderit prindërve që i veshën aq bukur të vegjëlit e tyre me veshje kombëtare, duke ua shtuar ndjenjën e përkatësisë.

Faleminderit fëmijëve që u ngjitën në skenë me poezi apo valle.
Faleminderit vullnetarëve të cilët nuk duan lavde për punën e mirë që bëjnë.
Faleminderit djemve të Odës Kërçovare, Korab Shaqirit, Gazi Musliut, Ilir Hasanit dhe grupit të tij, Lirim Beshirit, Arditit dhe valltarëve të tij dhe sponzorave tanë.
Mirupafshim në eventin e rradhës!
Ju duam shumë!

/ ms