Shoqata Kulturore Kërçova Zvicër nderoi Prof. Sadik Emroja

Shoqata Kulturore “Kërçova” Zvicër në një veprimtari të veçantë ka nderuar Dr. sc. Sadik Emroja me dekoratë ambasador i Identitetit Kërçovar!
I ftuar special në manifestimin tradicional kërçovar në Niedergösgen, Kryetari i Shoqatës Kulturore Kërçova-Zvicër z. Resul Mehmedi vlersoi lartë kontributin e profesor Sadik Emroja.

Ky vlerësim është një nder i madh jo vetëm për të dhe familjen e tij, por për të gjithë komunitetin kërçovar, si një dëshmi e çmuar për punën, përkushtimin dhe kontributin e tij në kulturë dhe më gjërë në ruajtjen e identitetit kërçovar.

Profesori dhe gazatari Sadik Emroja në paraqitjen e tij para mërgatës kërçovare theksoi se;
Është një nder i madh për mua që sot gjendem mes jush, në këtë manifestim të veçantë që bashkon traditën, kulturën dhe miqësinë.
Ftesa juaj për të marrë pjesë si mysafir special nga Kërçova është një vlerësim që e pranova me mirënjohje të thellë.

Ky manifestim nuk është thjesht një festë por, një simbol i bashkimit dhe i respektit për rrënjët dhe trojet tona. Mërgata kërçovare na kujton se diversiteti është pasuri dhe se bashkimi është forcë.

Ne festojmë jo vetëm traditat tona, por edhe vlerat universale të solidaritetit, mikpritjes dhe respektit.
Ky takim është dëshmi e gjallë se sa shumë mund të arrijmë kur jemi pranë njëri-tjetrit, duke ndarë gëzimin dhe duke ndërtuar ura miqësie.

Ju falënderoj nga zemra për mikpritjen e ngrohtë dhe për mundësinë që më dhatë të jem pjesë e këtij manfestimi tradicional!
Le të vazhdojmë ta ruajmë këtë frymë bashkimi dhe ta përcjellim tek brezat e ardhshëm, si një trashëgimi dhe thesar i çmuar.

/tvgurra