Shoqata Kulturore Kërçova – Zvicër mbajti sipoziumin e radhës
Shoqata Kulturore Kërçova – Zvicër, në krye me kryetarin Resul Mehmedi, Bukurim Xhaferri organizoi sot në Olten një aktivitet të pasur me tema edukative dhe kulturore, që u prit me interes të madh nga komuniteti.
Një nga temat më të veçanta ishte:
“Si t’i largojmë fëmijët nga smartphone-t dhe t’i afrojmë me lojërat tona tradicionale?”
Me shumë pasion dhe përkushtim, Prof. Osman Adili, Prof. Qamil Aliu dhe Prof. Agron Xhagolli (i ardhur enkas nga Shqipëria) prezantuan lojëra të fëmijërisë shqiptare si:
– Pula mbshefta
– Loja me shuplaka
– Loja me bishtak
– Loja me kocka katrori
Përveç lojërave, u trajtuan edhe tema me vlera të mëdha kulturore, si:
Folklori kërçovar dhe vllat kërçovare, që përfaqësojnë trashëgiminë e pasur shpirtërore të vendlindjes sonë.
Aktiviteti u pasurua gjithashtu me pjesëmarrjen e Spitex BajRon AG, me në krye z. Nijat Bajrami, i cili mbajti një prezantim të vlefshëm mbi:
“Si të kujdesemi për të afërmit tanë të moshuar”,
duke dhënë këshilla dhe përvoja të rëndësishme për përkujdesjen në mërgatë.
Një ditë e paharrueshme, me dije, traditë, lojë dhe krenari për rrënjët tona.
Faleminderit të gjithë pjesëmarrësve – dhe veçanërisht:
Prof. Osman Adili, Prof. Qamil Aliu, Prof. Agron Xhagolli nga Shqipëria, z. Nijat Bajrami dhe kryetarit Resul Mehmedi për organizimin dhe përkushtimin e jashtëzakonshëm!
FOTO:
