Shoqata Kulturore Kërçova takim të paharrueshëm për rininë Kërçovare (VIDEO)

Sot, më 18 Maj 2025, në zemër të Alpeve Zvicerane në Engelberg, Shoqata Kulturore Kërçova me Kryetarin Resul Mehmedin dhe Nënkryetarët Bukurim Xhaferrin dhe Dehar Sadiku organizoi një takim të paharrueshëm për rininë Kërçovare, ardhmërinë tonë që jeton larg vendlindjes.

Në një atmosferë vëllazërore, të rinjtë u bashkuan për një ditë të mbushur me traditë, kulturë dhe krenari. Gril me ushqime tradicionale shqiptare, që nga mishi i pjekur e deri te ëmbëlsirat si bakllavaja dhe sheqerparja, krijuan një tryezë që i ngjante një feste familjare shqiptare.

Ajo që e bëri këtë ditë edhe më të veçantë ishte veshja e të rinjve me kostume tradicionale Kërçovare një gjest i fuqishëm i dashurisë për rrënjët, kulturën dhe identitetin tonë. Me ngjyra dhe motive që flasin për historinë dhe shpirtin e Kërçovës, rinia tregoi se trashëgimia jeton në zemrat e tyre.

Kjo ngjarje nuk ishte thjesht një piknik ishte një rikthim shpirtëror te vendlindja, një kujtesë se kush jemi dhe nga vijmë. Me krenari dhe falënderim për organizatorët dhe gjithë pjesëmarrësit, kjo ditë do të mbetet e gjallë në kujtimet tona!

VIDEO:

/ms