Shoqata Humanitare Greshnica në përkrahje të Odës Kërçovare në Zvicër

Të nderuar miq, kryetar dhe antarë shoqatash!
Me rastin e takimit të mbrëmshëm me shkas me kryetarët e shoqatave humanitare dhe kulturore, në hapësirën e “Odës kërçovare”. Të nderuar, jam i obliguar që t’ju njoftoj për ata që duan ta din sakt qëllimin e këtij takimi.

Para disa javësh jemi takuar po në hapësirat e “Odës kërçovare”, ku u bë shkak rasti i promovimit të librit të autorit kërçovar z. Blerim Ramadani, ku në mes tjerash, rastësisht u diskutua dhe u hap tema e punës së deritanishme të “Odës”, si dhe ideja dhe ndihma që u kërkua nga përfaqësuesit e “Odës”, për të zgjeruar hapsirat, aktivitetin punën e së njejtës shoqatë.

Nga gjithë diskutimi doli që është e udhës që të thirret një mbledhje zyrtare nga përfaqësuesit e ODËS me shoqatat kërçovare. E përsëris, e vetmja pikë dhe qëllim ishte se si të ndihmohet zgjerimi, aktiviteti dhe puna e “Odës kerçovare”, që ne e pam si thelbësore për zhvillimin, ruajtjen e trashigimisë tonë kulturore këtu në Zvicër.

Ne kuvenduam jozyrtarisht rreth nevojës për ndihmë financiare për të vazhduar me aktivitetet kulturore të “Odës”. Nga e gjithë debati doli që është nevojshme paraprakisht një takim më i gjerë.

Sa i përket idesë së bashkimit të shoqatave tona, jam PRO, por paraprakisht duhet një takim i veçantë dhe diskutim më gjithëpërfshirës! Falënderoj Kryetarin e Odës Kërçovare z. Haki Ajroja.
Me respekt,
Xhevahir Ramadani
Kryetar i SHH “Greshnica”

/ms