Shoqata Humanitare „Cërvica“ në përkrahje nga Ambasadori i Maqedonisë së Veriut në Zvicër

Edhe një mbështetje nga Ambasadori i Maqedonisë së Veriut në Zvicër, Shkëlqesia e Tij, z.Rexhep Demiri për bashkatdhetarët tanë. Edhe pse ishte e diele, z.Rexhepi gjeti mundësi që të jete në mesin e një turniri të futbollit në kantonin e Solothurnit ku ishin të mbledhur një numër i madh i bashkatdhetarëve nga të gjjitha trevat shqiptare. Në këtë ngjarje sportive ishte i pranishëm edhe atdhetari, z.Florim Useini i cili përmes disa fjalëve e përshkruan këtë pasdite të mirë sa sportive aq edhe miqësore.

E diela e datës 15.12.2024, na gjeti në një turnir futbollit. Pata një nder të veçantë që të marr pjesë në turneun e futbollit të vogël, organizuar nga Shoqata Humanitare Cërvica, në Schönenwerd (SO), me kryetar Ali Spahiu .

Ishte një moment i paharrueshëm, pasi që së bashku me Ambasadorin e Maqedonisë Veriore, z. Rexhep Demiri ishim në mesin e bashkëvendasve tanë kërçovarë që kishin ardhur nga çdo cep i Zvicrës dhe vendit, njëkohësisht special edhe kryetari I Federatës së Futbollit të Maqedonisë z. Muhamet Sejdini.

Ky turne ishte një festë e vërtetë e unitetit dhe sportivitetit, një ngjarje e jashtëzakonshme që shpalosi energji pozitive dhe një frymë të mrekullueshme fair play. Organizimi ishte perfekt, ku tashmë ky aktivitet është tradicional, është një mundësi e shkëlqyer për të forcuar lidhjet mes nesh, për të shijuar momentet e bukura dhe për të diskutuar rreth mundësive për të zhvilluar aktivitete, që përmirësojnë jetën e shoqërisë shqiptare, sidomos atë kërçovare.

Përveç garave emocionuese, ishte një mundësi e paharrueshme për të takuar shumë nga aktivistët dhe afaristët tanë të shquar, të cilët po japin kontributin e tyre për të mirën e komunitetit.
Ky organizim na kujtoi fuqinë e bashkimit dhe rëndësinë e angazhimit të secilit prej nesh për të bërë një ndryshim pozitiv në jetën e atdheut tonë.

Edhe përse në këtë turne ishin të gjithë fitues nga produktiviteti I këtij organizimi, sa i përket lojës vendin e parë e fitoj ekipi nga Mustafa Gartenbau GmbH dhe Avni Mustafa“. Ambasadori z.Rexhep Demiri njihet për përkrahjen e mërgatës sonë dhe po gëzon autoritet të madh dita ditës dhe prezenca e tij ishte e mirëpritur dhe falënderuese nga organizatori dhe nga të gjithë të pranishmit.

/helveticaforum