Shoqata Humanitare Cërvica Mirënjohje për Jetmir Kadriun

Dje, me nder të veçantë dhe me respekt maksimal, i ndamë Mirënjohje për kontributin e tij të pakursyer në futbollin kërçovar Jetmir Kadriut, ose siç e njohim të gjithë me dashuri – Milin
Mili ka dhënë një kontribut të jashtëzakonshëm në zhvillimin dhe promovimin e futbollit kërçovar.

Ai është një mjeshtër i futbollit të vogël, një njeri që ka lënë gjurmë si në fushë, ashtu edhe jashtë saj. Por mbi të gjitha, ai është një karakter i rrallë, i respektuar nga të gjithë, një njeri që e bashkon shoqërinë dhe që gëzon admirimin e çdo kërçovari.

Ai ka spikatur jo vetëm si lojtar, por edhe si organizator i një prej turneve më të suksesshme të verës – turneut që mbledh çdo vit mira kërçovarë në Garanë, duke krijuar atmosferë, emocion dhe një traditë të bukur që mbetet në kujtesën tonë kolektive.

Ky turne është bërë simbol i bashkimit, i sportit dhe i dashurisë për vendlindjen – dhe për këtë meriton mirënjohjen e të gjithëve ne. Mili, faleminderit për gjithçka që ke dhënë dhe vazhdon të japësh për Kërçovën. Kontributi yt vlerësohet, respektohet dhe nderohet nga zemra.

/ms