Shkon Avdullahu, kthehet Albini..

Lëvizja Vetëvendosje kishte dorëzuar në Gjykatën Kushtetuese kërkesën për “antikushtetutshmërinë e pjesëmarrjes dhe të votimit” të deputetit Etem Arifi në seancën për votimin e qeverisë Hoti.
Sipas këtij aktgjykimi, vendi pritet të shkojë në zgjedhje brenda 40 ditësh, meqë Gjykata Kushtetuese ka kontstatuar që vota e deputetit, Etem Arifi, pro krijimit të Qeverisë Hoti, ka qenë e pavlefshme.

Kadri Kryeziu, ish-gjyqtar në Gjykatën Kushtetuese, për Periskopin ka deklaruar se nëse vota e ish-deputetit Etem Arifi shpallet e pavlefshme, atëherë në krye të vendit do të vie Lëvizja Vetëvendosje.

“Nëse Kushtetuesja vlerëson se vota e Arifit është e pavlefshme, atë kthehemi në pikën zero. Pika zero nënkupton momenti kur është krijuar Qeveria Hoti dhe duhet filluar prej momentit kur Albin Kurti ka qenë ushtrues detyre.

Sipas mendimit tim, Kurti kthehet në detyrën e kryeministrit në detyrë”, tha Kryeziu për Periskopin.