Kërçovë: Shkollën e Mesme Komunale “Drita” ka nisur pa ngrohje ! Reagon deputetja Valbona Adili Emini

REAGIM PUBLIK!
Edhe kjo javë në Shkollën e Mesme Komunale “Drita” ka nisur pa ngrohje.
Për shkak të temperaturave të ulëta në ambientet e shkollës, respektivisht në mësonjëtoret, nxënësit pas orës së tretë mësimore janë detyruar t’i lënë orët dhe të ndërpresin procesin mësimor.

Profesorët dhe prindërit me të drejtë janë të shqetësuar për këtë situatë të papranueshme, e cila po thuajse përsëritet çdo vit dhe po ndikon drejtpërdrejt në cilësinë e arsimit.

Situata e ngjashme, sipas informacioneve që kam, po ndodh edhe në Gjimnazin “Mirko Mileski”, ku nxënësit përballen me të njëjtat vështirësi për shkak të mungesës së ngrohjes.
Nga ana tjetër, deri më tani nuk kemi dëgjuar asnjë sqarim apo arsyetim nga drejtoritë e shkollave, por as nga Komuna.

Pyetja që lind natyrshëm:
Ku qëndron problemi që këto shkolla ende nuk kanë ngrohje dhe kur planifikohet fillimi i mësimit normal?
Sepse orët që humben, vështirë se mund të zëvendësohen!
Të gjithë e dimë se jemi vetëm në fillim të vjeshtës dhe përpara kemi dimër të gjatë!

Prandaj, është koha që institucionet përgjegjëse të marrin masa urgjente, në mënyrë që nxënësit tanë të kenë kushte dinjitoze për mësim, ashtu siç e meritojnë.

/ms