Shkodran Alili falenderon Kërçovarët për pjesmarjen masovike në tubim (FOTO)

Të dashur bashkëqytetarë,
Dje më dhatë një emocion që nuk do ta harroj kurrë.
Salla ishte plot, zemrat edhe më të mbushura. Nuk isha vetëm në atë podium – isha me ju.
Ishte zëri juaj që fliste mbas meje. Ishte zemra juaj që më dha guximin të shpall këtë rrugëtim, jo si një garë, por si një betim.

Ju faleminderit nga thellësia e shpirtit tim!
Faleminderit që e mbështetët këtë nismë që nisi nga disa duar të vogla dhe sot u kthye në një lëvizje kolosale.
Faleminderit që treguat se Kërçova është gjallë. Se shpresa nuk ka vdekur ende.
Kam marrë qindra mesazhe dhe telefonata urimi që më kanë prekur thellë. Faleminderues për çdo fjalë, çdo përqafim e çdo mbështetje. Jam mirënjohës pa fund!

Kërçova është shtëpia jonë, dhe shtëpia nuk lihet në duar të huaja.
Shtëpia ndërtohet me dashuri, mbrohet me sakrificë dhe ringrihet me njerëz që nuk e kanë harruar se ku janë rritur.
Ky është fillimi i një rruge që nuk do të jetë e lehtë, por do të jetë e ndershme.
Dhe për këtë, nuk jam vetëm. Ju kam juve – familjen time të madhe!
Zoti ju bekoftë të gjithëve dhe Zoti e bekoftë Kërçovën tonë!

FOTO:

/ms