Shkodran Alili “dredh” Kërçovën (VIDEO)

Të dashur qytetarë të Kërçovës,
Me zemër plot mirënjohje, ju faleminderojmë të gjithëve për pjesëmarrjen tuaj në iftarin tradicional mbrëmjen e djeshme, që u shndërrua në një natë madhështore të bashkimit, vëllazërisë dhe solidaritetit.

Një faleminderim i veçantë shkon edhe për pronarin dhe stafin e Restorantit Dardania, të cilët, me bujarinë dhe gatishmërinë e tyre, hapën dyert për këtë organizim të jashtëzakonshëm.

Gjithashtu, shprehim mirënjohje të thellë për të gjithë donatorët, aktivistët dhe afaristët që, me përkushtimin dhe kontributin e tyre të çmuar, bënë të mundur që gjatë gjithë muajit të Ramazanit të shpërndanim iftare falas dhe pako ushqimore për ata që kishin nevojë. Zemërgjerësia juaj është një bekim dhe një dritë shprese për Kërçovën tonë.

Me këtë iftar, përmbyllëm me sukses vitin e pestë të shpërndarjes së iftareve falas, një traditë që, falë përkushtimit tuaj, vazhdon të bëhet më e fortë vit pas viti.
Zoti ua shpërbleftë të gjithë atyre që dhanë dhe u përkujdesën për të tjerët!
Qofshim gjithmonë të bashkuar në vepra të mira!
Me respekt dhe mirënjohje,
Shkodran Alili

VIDEO:

/tvgurra