Shefki Imeti: Po promovohen projekte të nisura nga Fatmir Dehari !

Këshilltari i AKI se në Komunën e Kërçovës, Shefki Imeti, ka reaguar ndaj vizitës së delegacionit qeveritar në Kërçovë, duke akuzuar pushtetin për mungesë projektesh dhe përvetësim të investimeve të realizuara më herët.

Sipas Imetit, përfaqësuesit e qeverisë kanë ardhur në Kërçovë për të inspektuar dhe promovuar punime të nisura gjatë mandatit të ish-kryetarit të komunës, Fatmir Dehari.

“Në mungesë të projekteve dhe investimeve të tyre, pushteti zbarkon në Kërçovë për të inspektuar punimet e filluara nga ish-kryetari i komunës, Fatmir Dehari. Veprat e tij sot qëndrojnë krenare përballë të gjithëve”, ka shkruar ai.

Ai shtoi se të pranishmit “u mblodhën, u mburrën dhe u fotografuan me mundin dhe vizionin e tjetër kujt”, duke veçuar gjithashtu mungesën e përfaqësuesve të VLEN-it në shoqërimin e kryeministrit gjatë kësaj vizite.

Në fund të reagimit të tij, Imeti theksoi se “punët flasin më shumë se fjalët”, duke e mbyllur mesazhin me shprehjen ironike: “Ti gëzoni”.

/tvgurra