SHBA dërgon mesazh të fortë për Kosovën! Dërgon Kërçovarin si Ambasador
Në një zhvillim që pritet të forcojë edhe më tej marrëdhëniet strategjike mes Republikës së Kosovës dhe Shteteve të Bashkuara të Amerikës, burime diplomatike bëjnë të ditur se Kërçovari Bex Aliu (Begzat Azem Aliu), një shqiptaro-amerikan me karrierë të spikatur në diplomaci, pritet të emërohet Ambasador i SHBA-së në Kosovë.
Ky vendim vlerësohet nga analistët si një sinjal i qartë i mbështetjes së palëkundur të Uashingtonit për Kosovën, veçanërisht në një periudhë tensionesh të vazhdueshme në Ballkan dhe presioneve të vazhdueshme nga Serbia dhe Rusia ndaj sovranitetit të Kosovës.
Bex Aliu, i konsideruar si diplomati shqiptar më i suksesshëm në SHBA, sjell me vete jo vetëm eksperiencën diplomatike, por edhe lidhje të forta me komunitetin shqiptar dhe strukturat e sigurisë amerikane.
Ai ka përfunduar studimet për Mjekësi në Universitetin e Prishtinës dhe ka një Master për Studime Strategjike nga Kolegji i Luftës i Ushtrisë Amerikane, duke e pozicionuar si një figurë me profil të lartë për çështjet e sigurisë dhe politikës ndërkombëtare.
Emërimi i tij pritet të sjellë një frymë të re në marrëdhëniet mes dy vendeve, duke forcuar partneritetin strategjik dhe duke rikonfirmuar Kosovën si një aleat i pazëvendësueshëm i SHBA-së në rajon.
Ky hap shihet gjithashtu si një përgjigje ndaj sfidave që Kosova po përballet në arenën ndërkombëtare, duke i dërguar një mesazh të fuqishëm kundërshtarëve të pavarësisë së saj se SHBA është dhe do të mbetet mbrojtësja më e madhe e sovranitetit dhe integritetit territorial të Kosovës.
Me këtë emërim, SHBA dërgon mesazh të fortë për Kosovën, duke caktuar një diplomat shqiptar-amerikan si ambasador. Pavarësisht zërave megjithatë, nuk ka asgjë zyrtare rreth emërimit të tij dhe kjo mbetet thjesht në rrafshin e një përfoljeje në Departamentin e Shtetit.
/ntv.al
