Shaqiri i bën thirrje ministrit Shasivari: të zbardhet e vërteta për Harun Aliun !

Deputeti i Aleancës për Shqiptarët, Shaqiri, i ka bërë thirrje ministrit të Drejtësisë, Jeton Shasivari, që të angazhohet për zbardhjen e rrethanave të rastit të Harun Aliut, veprimtarit dhe komandantit të UÇK-së.

Duke folur në emisionin “Dialog te Lajmi”, të gazetarit Sefer Tahiri, Shaqiri theksoi se Shasivari, për shkak të raporteve të mëparshme miqësore me Aliun dhe pozitës aktuale institucionale, ka përgjegjësi morale që të kërkojë zbardhjen e rastit.

Ai kërkoi që të shqyrtohen procesverbalet dhe provat e rastit, duke theksuar se e vërteta duhet të dalë në shesh dhe përgjegjësit të identifikohen.

/tvgurra