Sekreti që Dua Lipa tregoj për gjyshin e sajë ?

Artistja shqiptare me famë botërore, Dua Lipa, ka ndarë një rrëfim të fortë për historinë e familjes së saj, duke vënë në pah qëndrimin dhe sakrificat e gjyshit të saj gjatë periudhave të vështira për Kosovën.
Në një intervistë për revistën “Rolling Stone”, ajo tregoi se gjyshi i saj, historiani Seit Lipa, u pushua nga puna pasi refuzoi të rishkruante dhe të falsifikonte historinë sipas kërkesave të autoriteteve serbe.

“Kur ndodhi okupimi, forcat serbe kërkuan që ai të rishkruante historinë. Ai nuk pranoi dhe humbi punën e tij. Kjo është pjesë e asaj që unë jam dhe pse qëndroj pranë gjërave në të cilat besoj”, është shprehur Dua.

Ajo gjithashtu kujtoi vështirësitë që përjetuan prindërit e saj, të cilët u detyruan të largoheshin nga Kosova dhe të fillonin një jetë të re në Mbretërinë e Bashkuar, duke punuar në kushte të vështira për të mbijetuar.
Megjithatë, rrënjët shqiptare mbetën gjithmonë të forta.

“Plani ishte gjithmonë të ktheheshim në Kosovë,” rrëfen ajo, duke treguar lidhjen e fortë me vendin e origjinës.
Historia e Dua Lipës nuk është vetëm një rrugëtim suksesi, por edhe një dëshmi e qëndresës, identitetit dhe krenarisë për prejardhjen.

/votra.info