Së shpejti botohet libri “3E Aspects of Electricity Production” i Prof. Dr. Imer Zenkut, me mbështetjen e Universitetit të Tetovës

Së shpejti do të dalë nga shtypi libri “3E Aspects of Electricity Production” (3E Aspektet e prodhimit të energjisë elektrike), autor Prof. Dr. Imer Zenku, një botim shkencor i mbështetur nga Universiteti i Tetovës.

Libri trajton në mënyrë ndërdisiplinore çështjet e elektroenergjetikës, ekonomisë dhe ekologjisë, duke analizuar aspektet ekonomike, strategjike, sociale dhe mjedisore të prodhimit të energjisë elektrike nga burimet konvencionale dhe ato të ripërtëritshme.

Vëmendje e veçantë i kushtohet investimeve në sistemet fotovoltaike, tranzicionit energjetik dhe procesit të dekarbonizimit, tema me rëndësi të veçantë për Maqedoninë e Veriut në rrugën e saj drejt integrimit në Bashkimin Evropian.

Sipas autorit, libri përbën një kontribut të rëndësishëm në literaturën akademike dhe do të shërbejë si literaturë profesionale për pedagogët, studentët dhe studiuesit e fushës.
Prof. Dr. Imer Zenku ka bërë të ditur gjithashtu se në përfundim e sipër janë edhe tre libra të tjerë, të cilët pritet të botohen gjatë këtij viti, duke pasuruar më tej kontributin e tij shkencor dhe akademik.

\votra.info