“Safe city” në Ohër, Kërçovë, Strugë e Dibër aktiv prej dy ditësh ! (VIDEO)

Ka dy ditë që kamerat e “Safe City” tanimë janë në funksion të plotë dhe jo vetëm në fazën e testimit në Ohër, Strugë, Kërçovë, Dibër.
Qytetarët e kanë pritur pozitivisht dhe thonë se kjo do të jetë një mësim i mirë për ata që nuk respektojnë rregullat e komunikacionit dhe kështu marrin në qafë edhe tjetër që janë në rrugën e drejtë dhe respektojnë rregullat.

Nga janari deri në fillim të muajit tetor në Kërçovë janë regjistruar 166 aksidente rrugore, prej të cilave 68 me persona të lënduar, 96 me dëme materiale dhe dy aksidente me pasoja fatale. Sipas zëdhënësit të SPB-së së Ohrit, Stefan Dimovski, në këto aksidente janë lënduar 137 persona, ndërsa tre persona kanë humbur jetën.

Numri i përgjithshëm i aksidenteve të regjistruara rrugore: 166
Aksidente me persona të lënduar: 68
Aksidente me pasoja fatale: 2
Aksidente me dëme materiale: 96
Numri i personave të lënduar: 137
Numri i personave të vdekur: 3

Qytetarët shpresojnë se kamerat e vendosura në rrugë do të ulin numrin e aksidenteve rrugore, sidomos atyre me pasoja fatale.

VIDEO:

/tv21