Safe City dënon dhe Ministrin !

Ministri i Punëve të Brendshme, Pançe Toshkovski ka bërë të ditur se i është regjistruar kundërvajtje nga ana e sistemit “Safe City”, përcjell TV21. Toshkovski tha se pranoi një SMS për shkelje trafiku pasi kishte tejkaluar shpejtësinë e lejuar për 1km/h. Ministri tha se me këtë sistem nuk ka përjashtime e të privilegjuar.

Këtë mëngjes, duke lëvizur me automjetin tim privat drejt Kavadarit, ku sot mbahet kongresi partiak, mora një mesazh SMS për një shkelje të trafikut të konstatuar nga sistemi ‘Qytet i Sigurt’, sepse isha duke lëvizur me 1 km/orë mbi shpejtësinë e lejuar.

Kjo është ilustrimi më i mirë se si duhet të funksionojë shteti. Sistemi vlen dhe vepron njësoj për të gjithë dhe nëse regjistron shkelje – sanksioni pason, pa marrë parasysh kush është në automjet. Nuk ka përjashtime, nuk ka selektivitet, nuk ka të privilegjuar.

Drejtimi i automjetit është obligim, jo privilegj. Kështu ndërtohet besimi, kështu ndërtohet siguria.
Qëllimi i ‘Qytet i Sigurt’ nuk është ndëshkimi, por rendi, disiplina dhe shpëtimi i jetëve njerëzore. Me numrin alarmues të viktimave në rrugë që kemi, duhet të tregojmë shembull personal dhe përgjegjësi.

Ky shtet do të jetë më i sigurt vetëm nëse ligjet vlejnë njësoj për të gjithë, përfshirë edhe ne që jemi më së shumti përgjegjës për zbatimin e tyre.

/ms