Sa ka borxh Maqedonia e Veriut ?

Në fund të vitit 2024, borxhi shtetëror i Republikës së Maqedonisë së Veriut arriti në 8.3 miliardë euro (53.8% e PBB-së), ndërsa borxhi publik në 9.6 miliardë euro (62.4% e PBB-së), duke shënuar rritje krahasuar me vitin 2023. Megjithatë, niveli i borxhit mbetet më i ulët se mesatarja e BE-së (81%).

Borxhi publik përfshin edhe detyrimet e ndërmarrjeve publike. Nga totali, 5.8 miliardë euro janë borxh i jashtëm dhe 3.8 miliardë euro i brendshëm. Mesatarisht, çdo qytetar ka rreth 5,344 euro borxh.

Borxhi publik tejkaloi kufirin strategjik prej 60% të PBB-së, ndërsa borxhi i garantuar mbeti brenda limiteve. Pjesa më e madhe e borxhit është në euro dhe me normë fikse interesi.

Gjatë vitit 2024, shteti mori rreth 1.04 miliardë euro borxh, kryesisht nga Banka Botërore dhe Banka Hungareze e Eksport-Importit. Të gjitha detyrimet u shlyen në kohë. Pritet që në vitin 2025 borxhi të rritet më tej për shkak të marrëveshjeve të reja investuese.

/zhurnal