Rusia mund ta sulmoj dhe Zvicrën !

Sipas një ish-kreu të Forcave Ajrore Zvicerane, Moska mund të testojë reagimin e Perëndimit me një sulmi ndaj një vendi neutral. Dhe Zvicra nuk është gati

A mund të godasin raketat ruse një ditë Cyrihun, Bernën ose Gjenevën? Sipas Bernhard Müller, ish-kreu i Forcave Ajrore Zvicerane, në një intervistë me gazetën SonntagsZeitung, ky skenar nuk mund të përjashtohet më. “Ekziston rreziku që Rusia të nisë misione zbulimi mbi territorin zviceran”, deklaroi ai.

Vladimir Putin mund të testojë kështu reagimin e një vendi neutral dhe të NATO-s. “Ne tashmë po shohim se rusët po testojnë vazhdimisht kufijtë e Polonisë dhe shteteve baltike”, vazhdoi zyrtari ushtarak. Të premten e kaluar, avionët luftarakë rusë shkelën përsëri hapësirën ajrore të Estonisë. Zvicra nuk është përballur ende me këtë lloj incidenti.

Megjithatë, sipas Paul Winiker, një ish-këshilltar shtetëror i SVP nga Lucerni dhe nënkolonel, faza e parë e luftës hibride ka filluar tashmë. “Sulmet kibernetike kanë ndodhur tashmë. Hapi tjetër mund të jenë sulmet ajrore”, paralajmëron ai.

Zvicra e paaftë për t’u mbrojtur në mënyrë efektive
Sot, ushtria zvicerane mund të mbrojë vetëm 8% të hapësirës së saj ajrore, siç i tha së fundmi NZZ Drejtori i Përgjithshëm i Armatimeve Urs Loher, transmeton portali Shtegu. Arsenali përfshin 30 avionë luftarakë F/A-18 të vjetëruar, 14 F-5 Tiger edhe më të vjetër, 27 armë kundërajrore nga vitet 1960 dhe gati 100 lëshues raketash Stinger.

Departamenti Federal i Mbrojtjes, Mbrojtjes Civile dhe Sportit (DDPS) pranon se ushtria zvicerane aktualisht nuk është në gjendje të mbrohet në mënyrë efektive. “Sistemet ekzistuese, të tilla si F/A-18 ose armët kundërajrore, nuk mund të kapin dronë të vegjël, raketa lundrimi, armë balistike të drejtuara ose armë hipersonike”, pranon DDPS.

/shtegu