Rryma i “djeg” familjet e qytetarve të Maqedonisë..!?

Familjet në RMV paguajnë çmimin më të lartë për energjinë elektrike në rajon, sipas të dhënave më të fundit për vitin 2024.
Sipas statistikave, çmimi mesatar për kilovat-orë në RMV është 6.08 denarë, që është ndjeshëm më i lartë krahasuar me vendet fqinje. Në Shqipëri dhe Mal të Zi çmimi është 5.72 dhe 5.49 denarë, në Serbi 4.81 denarë, në Bosnje dhe Hercegovinë 4.45 denarë, ndërsa qytetarët e Kosovës paguajnë më pak – vetëm 4.05 denarë për kilovat-orë.

Nëse marrim parasysh se një familje mesatare katër-anëtarëshe në RMV konsumon rreth 500 kW/h në muaj, atëherë fatura e tyre për energjinë elektrike do të ishte 3,040 denarë. Krahasuar me vendet e tjera:
• Në Shqipëri do të paguanin 2,860 denarë
• Në Mal të Zi do të paguanin 2,745 denarë

• Në Serbi do të paguanin 2,405 denarë
• Në Bosnje dhe Hercegovinë do të paguanin 2,225 denarë
• Në Kosovë do të paguanin 2,025 denarë
Kjo do të thotë se qytetarët e RMV-së për të njëjtën sasi të konsumuar paguajnë 1,000 denarë më shumë sesa qytetarët në Kosovë dhe ndjeshëm më shumë se pothuajse të gjithë fqinjët.

Këto shifra ngrenë pyetje serioze mbi politikën energjetike dhe mekanizmat e rregullimit të çmimeve në RMV. Ndërsa qytetarët përballen me kosto jetese gjithnjë e më të larta, mbetet dilema – pse energjia elektrike në vend është më e shtrenjtë se kudo tjetër në rajon?

/tvgurra