Rruga Kërçovë-Makedonski Brod e pa pastruar..(VIDEO)
Rruga rajonale Kërçovë-Makedonski Brod është e pa pastruar nga bari dhe degët e pemëve rreth rrugës. Pjesa më e vështirë është bërë nga fshati Vraneshticë deri në Makedonski Brod, ku nuk duken as bankinat mbrojtëse e as shenjat e komunikacionit të cilat janë mbuluar nga bari dhe ferrat. Në këtë pjesë të rrugës ka shumë fusha që punohen dhe bujqit e kanë të vështirë që nga arat e tyre të dalin në rrugën rajonale sepse dukshmëria nga bari dhe ferrat është zvogëluar shumë dhe përbëjnë rrezik në komunikacion.
“Ndodhemi në rrugën regjionale Kërçovë-Makedonski Brod, kjo rrugë është bërë si një xhungël e vërtetë, barishtet dhe ferrat kanë filluar të dalin mbi bankinat mbrojtëse ndërsa nuk duken as shenjat rreth rrugës, kjo rrugë është e pa pastruar tërësisht ndërsa banorët ankohen se është bërë shumë e rrezikshme për vozitësit”
TV21 kërkoi qëndrim nga ndërmarrja publike “Makedonija Pat”. Nga atje na thanë se një pjesë është pastruar ndërsa pjesa e mbetur do të pastrohet së shpejti sepse punët kanë ngecur për shkak të aktiviteteve të tjera.
“Nga Kërcova deri në fshatin Vraneshticë e kemi pastruar, ndërsa nga Vraneshtica deri në Makedonski Brod e mirëmbajnë ata të Makedonski Brodit, ata kanë pasur disa aktivitet të tjera dhe janë vonuar pak, por së shpejti edhe ajo pjesë do të pastrohet, ndërsa deri në fshatin Vraneshticë e kemi pastruar të gjithën. Ne do të bisedojmë më ata të Makedonski Brodit dhe nëse ka nevojë edhe në do t’ju ndihmojmë që në kohë sa më të shkurtër të pastrohet.”- thanë nga NP “Makedonija Pat” – Kërçovë.
Situatë e këtillë është nëpër shumë rrugë rajonale dhe magjistrale të vendit, sidomos në pranverë dhe verë kur bari, shkurret dhe degët e pemëve rreth rrugës rriten, me çka zvogëlojnë dukshmërinë e tabelave dhe rrugës në të cilën kalojnë vozitësit.
VIDEO:
