Restorant Dardania shpërndan bursat për vitin 2024/25 (FOTO)

Restorant Dardania shpërndan bursat për vitin 2024/25 – Mbështetje konkrete për arsimin , nxënësit dhe studentet.
Sonte, në ambientet e Swiss Ranch Kërçovë, u mbajt një darkë falënderuese e organizuar nga Restorant Dardania, me pronar z. Kastriot Iseni, për nder të përfituesve të bursave për vitin shkollor 2024/25.

Në një atmosferë të ngrohtë dhe plot respekt, z. Naim Zenku, menaxher i Dardania Grup, u dorëzoi edhe këstin e fundit të bursave, duke kurorëzuar një vit të mbështetjes së pandërprerë ndaj të rinjve dhe arsimit.
Z. Iseni ndau gjithsej 9,500 euro në formë bursash, të cilat iu dhanë:
✔️ Studentëve dhe nxënësve që janë pjesë e stafit të Restorant Dardania
✔️ Pesë nxënësve më të dalluar të Gjimnazit të Kërçovës
✔️ Një nxënëseje të shkëlqyer nga shkolla “Gjergj Kastrioti – Skënderbeu” në fshatin Serbicë

🎓 Mbështetja nuk përfundon me bursa.
Të gjitha shkollat që gjatë vitit organizuan evente në Restorant Dardania apo Swiss Ranch përfituan kthimin 100% të shumës së shpenzuar në materiale shkollore, në vlerë rreth 3,000 euro.
📌 Në gusht do të promovohet edhe kabineti modern i informatikës në Gjimnazin e Kërçovës, një investim prej mbi 20,000 euro, i pajisur me teknologji dhe kushte bashkëkohore.

💡 Investimi total në arsim për këtë vit arrin rreth 35,000 euro, duke e bërë Restorant Dardania një model të vërtetë të përgjegjësisë sociale dhe mbështetjes së vazhdueshme për arsimin në qytetin tonë.
Ky angazhim i përvitshëm dëshmon se kur një biznes vendos të investojë në dije, ai kontribuon drejtpërdrejt në ndërtimin e një shoqërie më të drejtë, të zhvilluar dhe të qëndrueshme.

FOTO:

/tvgurra

/tvgurra