Rënie drastike e çmimit të naftës në bursat botërore! (FOTO)

Çmimi i Brent Crude Oil ka shënuar një rënie të ndjeshme në bursat botërore gjatë 24 orëve të fundit, ku një fuçi ka rënë në rreth 85 dollarë.
Sipas të dhënave nga tregtimi me kontrata futures, çmimi i naftës aktualisht është rreth 85,10 dollarë për fuçi, që paraqet një rënie ditore prej 2,41 për qind, ose 2,10 dollarë më pak krahasuar me mbylljen e mëparshme, kur një fuçi tregtohej me 87,20 dollarë.

Grafiku i 24 orëve të fundit tregon një rënie edhe më të theksuar nëse merret parasysh niveli i një nate më parë. Sipas lëvizjeve në treg, çmimi i naftës nga gati 110 dollarë për fuçi, sa ishte rreth mesnatës, ka rënë gradualisht gjatë ditës, për të zbritur pasdite edhe nën kufirin prej 85 dollarësh.

Analistët e tregut theksojnë se këto luhatje të shpejta janë rezultat i një kombinimi faktorësh, përfshirë zhvillimet gjeopolitike, lëvizjet e ofertës dhe kërkesës globale, si dhe reagimet e investitorëve në tregjet ndërkombëtare të energjisë.

Në Maqedoninë e Veriut, çmimet e derivateve të naftës korrigjohen një herë në javë nga Komisioni Rregullator për Energjetikë. Nëse trendi i uljes së çmimeve të naftës vazhdon deri të hënën e ardhshme, është e mundur që të pritet ulje e çmimeve të karburanteve edhe në tregun me pakicë në vend.

FOTO:

/tv21