Reagim publik nga Dr. Kujtim Kasami

REAGIM PUBLIK
(Atëherë dhe sot, në vazhdimësi)
Nga këshilltari i Listës së Pavarur në Komunën e Kërçovë. Si qytetar i shqetësuar dhe në cilësinë e këshilltarit komunal, reagoj fuqishëm kundër praktikës së Komunës së Kërçovë për hudhjen e mbeturinave në hapësirën “Xeherorja Osllome”.

Kjo zonë, e cila për dekada është shfrytëzuar për nxjerrjen e qymyrit, sot përballet me pasoja të rënda mjedisore. Në vend që të rehabilitohet dhe të rikthehet në një hapësirë të sigurt për mjedisin dhe komunitetin përreth, ajo po shndërrohet në një deponi të re mbeturinash.

Ky veprim paraqet rrezik serioz për:
Ndotjen e tokës dhe ujërave nëntokësore
Rrezikimin e shëndetit të banorëve përreth
Dëmtimin e ekosistemit lokal
Përkeqësimin e cilësisë së ajrit
Institucionet lokale kanë për detyrë të mbrojnë interesin publik dhe mjedisin, jo të ndërmarrin veprime që mund të kenë pasoja afatgjata dhe të pakthyeshme. Transparenca, konsultimi me qytetarët dhe respektimi i standardeve mjedisore duhet të jenë prioritet absolut.

I bëj thirrje Komunës që të rishqyrtojë këtë vendim, të publikojë një plan të qartë dhe të detajuar të menaxhimit të mbeturinave, si dhe të ofrojë zgjidhje të qëndrueshme, në përputhje me ligjin dhe standardet mjedisore evropiane.
Mjedisi nuk është pronë e askujt – ai është përgjegjësi e përbashkët.

/tvgurra