Reagim nga Shoqata Kulturore Kollara – Zvicër
REAGIM:
E KEMI NGJITUR NË KARRIGE PËR TË NA MBROJTUR, JO PËR TË NA OFENDUAR!
Shoqata Kulturore Kollara është thellësisht e zhgënjyer dhe e indinjuar nga fjalori i ulët dhe ofendimi që Kryetari i Komunës së Kërçovës i bëri një banori të fshatit Kollare dhe te gjith Fshatit.
Kjo nuk është thjesht një fyerje ndaj një individi; është një fyerje ndaj gjithë komunitetit tonë dhe një goditje e drejtpërdrejtë ndaj idealit për të cilin kemi luftuar.
Kryetar, mos harro!
Në fshatin Kollarë, ne e kemi ndjerë peshën e të qenit besnik ndaj jush dhe kemi punuar me gjak dhe djersë për të siguruar që zëri ynë të dëgjohet. Ne te kaluarën, kur pozita e Kryetarit mbahej nga “pala” tjetër, ne kemi qenë ata që kemi derdhur mund dhe djersë, kemi trokitur derë më derë dhe kemi sakrifikuar për t’ju sjellë Ju në atë karrige.
Pse? Sepse kërkonim mbrojtje!
Ne nuk kërkuam një sundimtar; kërkuam një lider që do të na mbronte nga padrejtësitë dhe do të na shërbente me dinjitet. Tani, pas gjithë asaj lufte, Ju jeni i pari që na ofendoni dhe na ulni vlerën.
Kjo është një tradhti ndaj besimit tonë të plotë!
Kërkesa Jonë është e prerë:
Reflektoni mbi detyrën tuaj, dhe merrni vendimin e duhurë!
Nuk pranojmë që njeriu që e kemi zgjedhur me zemër, të na fyejë me fjalë.
Kërkojmë respektin që e kemi fituar me votë dhe me besim!
Shkruajn nga Shoqata Kulturore Kollara – Zvicër në facebook
/ms
