Reagim nga Forumi i gruas VLEN – Kërçovë

NË SHESH TI JEPET FUND HIPOKRIZISË DHE AMORALITETIT POLITIK !
Sonte mbahet tubimi i koalicionit AKI. Megjithatë, ky nuk është tubim shprese apo vizioni për të ardhmen, por shfaqje e hipokrizisë politike; përpjekje e dëshpëruar për të mashtruar qytetarët edhe një herë, ashtu siç kanë bërë gjithmonë, vetëm që të mbahen pas karriges së pushtetit.

Në vend që kryetari i komunës në ikje të dalë me fjalime dhe premtime të boshe, ai duhet të dalë me guxim përballë të vërtetës, të pranojë dështimet, abuzimet dhe zhgënjimin që u’a ka shkaktuar qytetarëve.
Pas publikimit të audioincizimeve që kanë tronditur opinionin publik, çdo dalje e tij në skenë është një fyerje e hapur ndaj qytetarëve, një shuplakë ndaj institucioneve dhe një poshtërim ndaj moralit publik. Ai nuk përfaqëson më as besimin, as dinjitetin e këtij vendi.

Qytetarët nuk kanë nevojë për fjalë të bukura, për premtime të lodhura e për teatrin politik që përsëritet sa herë afrohen zgjedhjet. Ata kanë nevojë për përgjegjësi, për ndershmëri, dhe për drejtësi !
Nëse kryetarit në ikje i ka mbetur edhe pak moral, sonte duhet të dalë vetëm për një arsye: të kërkojë falje para qytetarëve, të pranojë gabimet e pafalshme dhe të dorëzojë menjëherë dorëheqjen.

Nuk ka më vend për justifikime e humbje kohe !
Çdo fjalim tjetër nga ai është tallje e hapur me qytetarët dhe me institucionin që ai vetë ka përdhosur.
Njerëzit e kësaj komune janë të lodhur nga premtimet e ripërsëritura, arroganca e pafund dhe mungesa totale e përgjegjësisë politike. Mjaft !
Gratë e kësaj komune, në veçanti, nuk pranojnë më të trajtohen si spektatore të një sistemi që shpërfill vlerat, ndershmërinë dhe dinjitetin njerëzor.

DORËHEQJE !
Forumi i Gruas VLEN Kërçovë dënon ashpër këtë sjellje të papërgjegjshme dhe kërkon rikthimin urgjent të moralit në politikë, sepse pa moral nuk ka besim, dhe pa besim nuk ka zhvillim.
Ne besojmë se koha e mashtrimeve ka mbaruar. Koha e arrogancës ka kaluar. Tani është koha e përgjegjësisë, transparencës dhe ndëshkimit politik të atyre që kanë zhgënjyer qytetarët.

Gratë e kësaj komune janë të vendosura të mos heshtin më. Do të ngremë zërin me forcë për drejtësi, dinjitet dhe për një ndryshim të vërtetë që nuk mund të ndalet!
Respekti ndaj grave dhe barazia gjinore nuk janë çështje opsionale janë themel i një shoqërie të drejtë dhe demokratike.
Forumi i Gruas VLEN – Kërçovë

/ms