Rama: Jam krishter, por..!?
Saga e refleksioneve vijon me librin më të ri të Kryeministrit Edi Rama, “Në Sofrën e Hënës”, një përmbledhje reflektimesh nga iftaret e organizuara ndër vite. Libri trajton dimensionin kulturor, social dhe shpirtëror, duke vendosur në qendër raportin e njeriut me besimin.
Në një intervistë për “Exclusive” në Top Channel me Monika Stafa, Rama thekson se libri lindi edhe nga dashuria e tij për gjuhën shqipe. Ai flet për pasionin ndaj librave, përvojat e hershme me leximin në kohën e librave të ndaluar dhe ndryshimet që ka sjellë koha në raportin me leximin.
Rama ndalet edhe tek vlerat shqiptare, veçanërisht bashkëjetesa fetare, të cilën e konsideron një pasuri të rrallë dhe një garanci për paqen. Ai thekson se shqiptarët kanë arsye për krenari historike, por pa i idealizuar.
Sa i përket besimit, ai e konsideron një çështje shumë personale dhe thekson se sot njerëzit vazhdojnë të besojnë, edhe pse jo gjithmonë përmes institucioneve fetare.
/tch
