Rama dënon ashpër sulmet e Iranit ndaj Dubait

Kryeministri i Shqipërisë, Edi Rama, dënoi ashpër sulmet me raketa dhe dronë të Iranit ndaj Emirateve të Bashkuara Arabe dhe Izraelit, pas pamjeve që treguan goditje në zona civile e tregtare në Dubai.

Në një reagim në rrjetin X, Rama i quajti sulmet një akt të dëshpëruar të regjimit të Teheranit dhe një kërcënim ndaj stabilitetit rajonal.

Ai theksoi se përdorimi i terrorit kundër fqinjëve tregon dobësinë e sistemit iranian dhe synon të mbjellë frikë brenda dhe jashtë vendit.
Shqipëria, sipas tij, qëndron krah aleatëve për paqe dhe stabilitet, ndërsa situata në rajon mbetet e tensionuar.

/shenja