Radari kryesor në Aeroportin e Shkupit jashtë funksionit !

Ka dalë jashtë funksionit radari 25-vjeçar, i cili është radari kryesor për kontrollin e hapësirës ajrore të Maqedonisë.
“Po punohet për heqjen e defektit në njërin prej radarëve në Aeroportin Ndërkombëtar të Shkupit dhe për momentin kjo nuk ka asnjë ndikim në sigurinë e zhvillimit të trafikut ajror”, thonë nga M-NAV.

Është vendosur kontakt i drejtpërdrejtë me prodhuesin dhe është lejuar qasje online në pajisje, në mënyrë që prodhuesi të bëjë diagnostikim dhe të japë propozime e mbështetje për zgjidhjen e problemit.

Në Aeroportin e Shkupit ka dy radarë – një mbi Kullën e Kontrollit dhe një tjetër pranë saj. Në funksion ka qenë vetëm i dyti, i cili tani është prishur.

“Defektet teknike të natyrës elektronike janë dukuri normale në aviacion dhe kur ndodhin ka procedura të parashikuara të sigurisë në punë me qëllim që të vazhdohet ofrimi i shërbimeve për kompanitë ajrore në këto rrethana. M-NAV po i zbaton pikërisht këto procedura dhe për momentin NUK KA ASNJË NDIKIM NË SIGURINË e zhvillimit të trafikut ajror në Aeroportin e Shkupit”, u shpreh Vladimir Risteski, kryetari i Bordit drejtues të M-NAV.

Ndryshimi i vetëm është rregullimi i numrit të avionëve që mund të shërbehen në 1 orë.
“Për shkak se nuk ka mbulim të saktë, avionët duhet të mbahen në distancë më të madhe nga njëri-tjetri, gjë që mund të shkaktojë vonesa dhe kufizime në kapacitetin për pranimin e fluturimeve”, theksojnë nga NOTAM.

Deri në sanimin e defektit, po përdoren radarët e Bullgarisë dhe Greqisë, të cilët mbulojnë edhe hapësirën tonë ajrore.
Kontrollorët e fluturimeve këtë verë kërcënuan me grevë nëse nuk instalohet pajisje e re, duke paralajmëruar se jo vetëm radari i vjetër, por edhe softueri dhe pajisjet tjera do të fillojnë të dështojnë.

Para gjashtë vitesh kishte dalë jashtë funksionit edhe radari në “Banjsko Rid” dhe atëherë

/tv21