Rabije Tika: 40 vite mësuese në shkollën time

Ishte 15 maj i vitit 1985 kur u punësova për herë të parë në shkollën fillore Milto Gurra. Mësimdhënësi shihej me respekt, dashuri e krenari në atë kohë dhe kjo më bëri që unë dyfish t’i përkushtohem mësimdhënies, t’i mësoj e edukoj, t’i përgatis e aftësoj për të ardhmen të gjithë nxënësit e mi.

Ishte kohë e vështirë nga njëra anë, me presione e kontrolle për secilën fjalë të thënë, por kohë e paharruar për vlerat e virtytet e çdo brezi që kemi nxjerrë. Rrugëtimin tim nëpër këto 40 vite në arsim desha ta ilustroj me disa fotografi të cilat sa herë që i shoh më ngjallin emocione e krenari.

Shkolla ku unë mësova shkronjat dhe kryva arsimin fillor u bë shkolla ime e përjetshme, sepse unë aty jam që 40 vjet, është familja ime e dytë dhe jam me fat për çdo koleg/kolege që kemi punuar së bashku për të nxjerrë nxënës shembullor. Unë do të vazhdoj të kontriboj për këtë shkollë deri kur të dal në pension, ashtu siç e kam bërë këto 40 vite.

Me respekt dhe dashuri,
Mësuesja juaj Rabije Tika

/ms