Qytetarët e Maqedonisë kundër gjitha partive! Nuk shohin perspektivë ?

Më 11 mars 2026, në Rektoratin e Universitetit “Shën Kirili dhe Metodi” në Shkup u prezantuan gjetjet ndërkombëtare të Studimit Krahasues të Sistemeve Zgjedhore (CSES). Studimi tregon një krizë të theksuar të përfaqësimit politik në Maqedoninë e Veriut: qytetarët kanë identifikim të ulët me partitë dhe rreth një e treta shprehin qëndrime negative ndaj të gjitha partive.

Besimi në procesin zgjedhor dhe në nivelin e demokracisë është i ulët, ndërsa interesi për politikën dhe besimi se vota mund të sjellë ndryshim mbeten të kufizuara. Shumë qytetarë janë më të hapur ndaj idesë që vendi të udhëhiqet nga ekspertë ose aktorë jashtë politikës. Ideologjikisht, shumica vetë-pozicionohen në krahun e djathtë, ndërsa mbështetja për rritjen e përfaqësimit të grave në politikë është mesatare.

Studimi u realizua pas zgjedhjeve parlamentare të vitit 2024 nga ISPPI, IDSCS dhe IFES, në kuadër të projektit ndërkombëtar CSES, me pjesëmarrjen e 16 vendeve të tjera.

/lajmpress