Qeveria e Maqedonisë nënçmon intelegjencën e popullit..!

Arsyetimi banal nga Ministria e Financave është nënçmim i intelegjencës kolektive në Maqedoninë e mjeruar të Veriut dhe të vjedhur nga funksionarët. Ministri arsyeton veten dhe shokët duke thënë që “sektori publik nuk ka rritje të rrogave deri sa të ketë produktivitet”.

Mbase është në planetin Mars ky ministër me fat të mirë nga partia BDI e qeveria me plot tragjedi e pa asnjë llogari dhe mendon që ne nuk shohim që ministritë janë të gjitha në borxhe dhe produktivitet të vetmin kanë tenderat dhe pasurimin e vetes e familjarëve, punësimin e familjarëve nëpër pozita të rëndësishme, hapjen e kompanive familjarëve të tyre, hapjen e bastoreve dhe kazinove.

Produktiviteti juaj është ky dhe kërkoni fajin te vetja, jo te sektori publik.
Unë po të drejtohem si qytetare dhe edukatore nga sektori publik dhe po të them që ne jemi produktiviteti sepse shtetit i edukojmë gjenerata të profesionalizuara, studentë që nëse i vëndoje në pozitën tënde do jenë më të mirë se ti pasi nuk dalin me deklarata të këtij niveli dhe do mendonin sektorin publik përpara vetes.

Këtë që e potencoj mund edhe me vepra ta dëshmoj duke të dërguar një nga ish studentët e mi të shkencave politike në debat dhe ty me gjithë partinë tënde të quajtur BDI do ju gjunjëzonte përtoke, edhe atë pa mos qenë prezente unë, por ju të gjithë bashkë me prijësin tuaj.

Është produktivitet?
Po, por nuk guxoni ta aprovoni sepse nga syri juaj intelektualët dhe sektori publik shihen dele të kontrolluara.
Jo jo, je gabim.
Ne nuk jemi dele, as mësuesit e arsimtarët jo, as administrata jo dhe duhet të mbijetojmë për luksin tuaj apo?

Pse?
1.Ju përveç rritjes së 78% të rrogës, nuk paguani karburant sepse keni vetura dhe shofera.
2.Ju nuk paguani as pagesa rrugore të cilat janë më të shtrenjtat në botë me autostradën më të keqe në botë, Shkup-Strugë.
3.Ju merrni mëditje edhe nga udhëtimet zyrtare.

4.Ju jeni edhe nëpër komisione e borde të ndryshme.
5. Ju gjykatat i kontrolloni, kordinoheni dhe pastaj për të shpërlarë popullit trurin i fajësoni.
Mjaft më sepse ju nuk dini të ngiheni dhe keni transferuar shtetin si pronë private duke përdorur sektorin publik si skllevër për të ekzistuar ju.

Sektori publik dhe puna jonë për ju nuk ka rëndësi, bile u dëmton nëse është profesionale sepse trembeni nga konkurenca.
Nuk ju intereson produktiviteti publik, por i juaji.

Ne nuk jemi skllevërit e juaj që ju të jetoni si pashallarë, ndërsa ne të ekzistojmë sa për të mbijetuar.
Popull i dashur në zgjedhjet e ardhshme mos gabo të votosh kategorinë që i rrisin RROGAT VETES DHE TY TË SHKEL PA PIKË MËSHIRE!
Nga Dr. Gjyla Çeliku

/ms