Pucko Petrol i BDI-së në takim me Mickoskin në Qeveri !? (FOTO)
Një fotografi, një mijë fjalë. Asmir Jahoski, pronari i kompanisë së njohur “Pucko Petrol”, është parë në një takim me kryeministrin Hristijan Mickoski në ndërtesën e Qeverisë, njoftojnë përmes një komunikate nga partia opozitare LSDM.
Nga kjo parti akuzojnë për hipokrizi, duke kujtuar deklaratat e kaluara të VMRO-DPMNE-së ndaj biznesmenit në fjalë.
“Sa e sa konferenca për media mbajti VMRO-OKG kundër Jahoskit dhe Pucko Petrolit, duke e quajtur kriminel, duke thënë se po helmonte popullin, e çfarë jo tjetër. Sa deklarata ka pasur personalisht nga Mickoski?” – thuhet në reagimin e LSDM-së.
Opozita gjithashtu rikujton se në mars të vitit të kaluar, Jahoski u arrestua dhe u dërgua në paraburgim si i dyshuar në një rast që lidhej me furnizimin me mazut për Termocentralin (TEC) e Negotinës.
Në fund, LSDM ngre dyshime për prapaskenat e këtij takimi:
“Pyetja është nëse në kuadër të marrëveshjes për kthimin e Grubit, janë dakorduar edhe interesa biznesi të Mickoskit”, përfundon njoftimi i partisë.
FOTO:
/Fokus.mk
