Pse të sëmurët me skizofreni dëgjojnë zëra? Studimi zbulon nga vjen “tingulli” ?

Një studim i ri nga Universiteti i Uellsit të Ri Jugor në Australi ofron prova të forta se halucinacionet dëgjimore te skizofrenia mund të lindin nga paaftësia e trurit për ta njohur zërin e vet të brendshëm. Sipas studiuesve, mendimet e brendshme keqinterpretohen si zëra që vijnë nga jashtë.

Hulumtimi, i botuar në revistën Schizophrenia Bulletin, përdori EEG për të matur aktivitetin e trurit gjatë të folurit të brendshëm. Te njerëzit e shëndetshëm, truri ul aktivitetin në korteksin dëgjimor, pasi e parashikon zërin e vet.

Ndërsa te personat me skizofreni që përjetojnë halucinacione, ky mekanizëm nuk funksionon, duke bërë që truri të reagojë sikur zëri të ishte i huaj.

Rezultatet mbështesin një teori 50-vjeçare dhe hapin rrugën për zhvillimin e biomarkerëve biologjikë që mund të ndihmojnë në diagnostikimin e hershëm dhe trajtimin më efektiv të skizofrenisë.

/ms