Pse kinezët për 12 vite nuk u krye autostradën 57 km Kërçovë-Ohër ?

S’ka fund autostrada Kërçovë-Ohër, shtohen edhe 200 milionë euro, 12 vjet zvarritje për 57 km
Pse u zvarrit nga kompania kineze shtetërore kjo rrugë kyçe e Korridorit 8, që është pjesa e infrastrukturës strategjike të NATO-s?!

Duke parë interesat gjeostrategjike në Ballkan, ka pasur dyshime bindëse dhe konspiracione për mundësi sabotimi të këtij korridori?!
Ndërtimi zyrtarisht nisi në vitin 2014 me një buxhet fillestar prej 374 milionë eurosh për një gjatësi prej vetëm 57 kilometrash.

Kompania shtetërore kineze “Sinohydro Corporation Limited” është ajo që po kryen punimet nga viti 2013, e cila hyri në vend përmes Qeverisë së asaj kohe të Nikolla Gruevskit, me një ligj të veçantë pa tenderim të hapur, duke u angazhuar për ndërtimin e autostradës me financim nga banka kineze “Exim”.
Ky projekt është shndërruar në barrën më të rëndë financiare në historinë e shtetit, pasi pas 12 viteve zvarritjeje kostoja totale pritet të kalojë vlerën e 800 milionë eurove.

Nga përgjimet e publikuara u zbuluan skema të rënda korrupsioni dhe përqindje të majme përfitimesh nga krerë të Qeverisë së asaj kohe.
Kompania kineze për shkak të gabimeve teknike në trasenë fillestare, detyroi shtetin të nënshkruajë tetë anekse të njëpasnjëshme për sanimin e rrëshqitjeve të paparashikuara të dheut.

Në Kuvendin e Maqedonisë së Veriut tashmë ka arritur aneksi i tetë i kontratës, i cili parashikon një shtesë prej rreth 200 milionë eurosh dhe një afat të ri për përfundimin e punimeve deri më 31 maj 2027.
Por a do përfundoj në këtë afat , një Zot e di! Shkruan Naser Pajaziti

/ina