Pse janë fshirë mërgimtarët tanë nga sistemi kompjuterik i RMV-së..?! Nga Arbër Çeliku

Sot një familjari im, i cili jeton dhe punon në Zvicër, pësoi një lëndim dhe u desh të vizitohet te mjeku.

Në sportelin e spitalit e dhamë letërnjoftimin, të cilin sapo e ka nxjerrë të re, dhe sportelistja nuk e gjente dot emrin e tij në sistem me numrin amë.

Provuam disa herë, por kot, të dhënat e tij nuk shfaqeshin që nuk shfaqeshin në sistem.
Kur pastaj e përpunova në kokë, teksa familjari im hyri në rentgen, m’u qartësua gjithçka.

Me ligjin e ri për regjistrimin e popullsisë, emri i tij dhe i gjithë mërgimtarëve tanë, është fshirë nga sistemi kompjuterik i RMV-së.
Thashë me vete: Këtë nuk na e bëri as Rankoviqi, as Titoja dhe as komunizmi.

Faleminderit tradhtarë!
Shkruan Dr. Arbër Çeliku në facebook

/ms