A e dini Pse është i veçantë 10 ditëshi i fundit i Ramazanit !?

Muaji më i rëndësishëm për myslimanët është Ramazani, i cili këtë vit ka filluar më 2 prill. Në dhjetë ditët e fundit të Ramazanit besimtarët duhet të përkushtohen më shumë në adhurim: të lexojnë Kur’an, të falin namaz, të bëjnë lutje, të përmendin Zotin dhe të ndihmojnë të varfrit.

Hoxha Ilmi Rexhepi thekson se këto ditë janë shumë të veçanta sepse në to gjendet Nata e Kadrit, e cila sipas Kur’anit vlen më shumë se një mijë muaj. Çdo vepër e mirë e bërë në këtë natë shpërblehet sikur të ishte bërë për më shumë se 83 vjet.

Nata e Kadrit kërkohet në dhjetë netët e fundit të Ramazanit, sidomos në netët teke: 23, 25, 27 dhe 29. Në këtë natë besimtarët duhet të luten shumë, sidomos me lutjen:
“O Allah, Ti je Falës dhe e do faljen, më fal mua!”

Ramazani është muaj mëshire, solidariteti dhe përkushtimi ndaj Zotit. Besimtarët agjërojnë nga agimi deri në mbrëmje për 30 ditë, duke përmbushur një nga shtyllat kryesore të Islamit.

/ms