Protestuestit Romë: Edhe pse nuk kemi leje drejtimi, vozisim më mirë se të tjerët ?

Një revoltë e fortë qytetare ka shpërthyer kundër masës për konfiskimin e automjeteve të personave që drejtojnë pa leje drejtimi, ku protestuesit thonë se po ndëshkohen padrejtësisht njerëz që kanë punuar gjithë jetën me nder dhe pa shkelur ligjin.

“Edhe pse nuk kemi leje drejtimi, vozisim më mirë se shumë që kanë patentë. Vozisim prej mbi 30 vitesh, pa aksidente, pa probleme,” shprehen qytetarët e revoltuar.
Ata theksojnë se janë njerëz të punës së rëndë fizike: “Kemi punuar me nder, kemi mbajtur tulla dhe hekur, kemi ushqyer familjet tona me djersë. Nuk kemi vjedhur askënd. Nëse do të vjedhnim, menjëherë do të na dërgonin në burg.”

Protestuesit reagojnë edhe ndaj akuzave politike, duke mohuar çdo lidhje me pushtetin lokal: “Furgonin nuk na e ka blerë kryetari i komunës. E kemi blerë me mundin tonë, me punë të ndershme. Tani po na e marrin sikur të ishim kriminelë.”

Sipas tyre, masa e konfiskimit po i godet më të varfrit dhe punëtorët, ndërsa kërkojnë zgjidhje reale, si legalizim, trajnim ose afate për marrjen e lejes së drejtimit, e jo ndëshkime të menjëhershme. “Ligji duhet të jetë i drejtë dhe njerëzor, jo vetëm ndëshkues,” përfundon qytetari.

/open-tv