Protesta hyn në ditë e katërt, tensione në qytete! Arrestime në Korçë dhe Vlorë, tensione në Tiranë!

Protestat e studentëve dhe gjimnazistëve kanë hyrë në ditën e katërt, me tubime në Tiranë, Korçë, Lezhë dhe Vlorë. Kryeministri Edi Rama u bën thirrje qytetarëve të tregojnë durim, ndërsa kundërshton lëshimet për qetësimin e situatës.

Tubimet janë shoqëruar me përplasje me policinë dhe dëmtime të pronës publike e private. Në Tiranë, të arrestuarit pas protestës së 13 tetorit kanë dalë para gjykatës për caktimin e masave të sigurisë. Në Korçë, sipas policisë, janë arrestuar dy persona dhe janë proceduar penalisht 23 të tjerë.

Në Lezhë janë raportuar dëmtime të shkollave dhe bllokime rrugësh, ndërsa në Vlorë pati përplasje pas tentativës për të prishur murin e projektit të Muzeut Hebraik.

Këshilli Ndërfetar apelon për paqe, drejtësi dhe dialog, duke kërkuar që të rinjtë të dëgjohen dhe institucionet të përgjigjen në përputhje me ligjin.

/euronews