Prof.Ilaz Kadriu: Pushoi së rrahuri zemra e Tefik Ashikut, atdhetarit të devotshëm
Sot, e diel, 15 tetor 2023, në orët e mëngjesit pushoi së rrahuri zemra e Tefik Ashikut, atdhetarit të devotshëm, anëtarit të Kryesisë së ngushtë të Ballit Kombëtar dhe Lidhjes Kosovare, i cili veprimtarinë patriotike e lidhi me besën e moçme shqiptare dhe si ushtar i përbetuar u inkuadrua në këtë organizatë nacionaliste, synimet e të cilës ishte Shqipëria Etnike.
Tefik Ashiku ishte I qetë, i urtë dhe shumë I vendosur. Qe nga vitet 60 ta , u rreshtua në eshallonin e parë të udhëheqësve të Ballit dhe Lidhjes Kosovare. Bashkëpunoi me kryeballistin Abas Ermenji, Luan Gashi, Hafëz Jusuf Azemi , Azem Begzati, Ajet Rushiti dhe shumë aktivistë të këtyre organizatave politiko- shoqërore të cilat për gjatë kohë ishin barometër politik dhe kombëtar në Chicago me rrethinë.
Tefik Ashikun, së bashku me garniturën balliste ka marrë pjesë aktive në të gjitha demonstratat e organizuara fillimisht nga Balli Kombëtar dhe më vonë nga Lidhja Demokratike Kosovës, me të cilën bashkënuan konstruktivisht gjer në çlirimin e Kosovës.
Një kohë të gjatë, gjersa ishte pronar I restaurantit në Shugar Grove, aty mbaheshin takime dhe mbëledhje të shumta kushtuar cështjes shqiptare dhe pavarësisë së Kosovës.
Tefik Ashiku do të mbetet gjatë kohë në kujtimet tona dhe të komunitetit shqiptar si njeri I urtë, parimor dhe shumë kombëtar.
I qoftë i lehtë dheu i vendlindjes së tij në Kërcovë !
Ilaz Kadriu, Chicago
Tetor 15, 2023
/ms
