Prindërit alarmohen: Probleme me transportin e nxënësve në SHMK “Drita”

Prindërit kanë ngritur shqetësim serioz edhe sot lidhur me mungesën e transportit të rregullt për nxënësit e SHMK “Drita”, të cilët vijojnë mësimin në gjimnaz, në një periudhë kur po mbyllet tremujori dhe po përmbyllen notat.

Sipas tyre, prej disa ditësh një numër i madh nxënësish nuk arrijnë të ndjekin procesin mësimor, pasi transportuesi nuk i merr në pikat e caktuara. Problemet janë më të theksuara në Shutovë, Premkë, Jagoll, Popojan dhe Zajaz, duke krijuar vështirësi të mëdha për nxënësit dhe familjet e tyre.

Prindërit theksojnë se kjo situatë po ndikon drejtpërdrejt në mbarëvajtjen e mësimit dhe kërkojnë reagim urgjent nga autoritetet komunale. Ata nënvizojnë se transporti për nxënësit nuk është privilegj, por një e drejtë bazë për sigurimin e arsimit cilësor dhe të barabartë për të gjithë.

/tvgurra