Kush ishte Princesha egjiptase me origjinë Shqiptare..? (FOTO)

Na ishte dikur/Panteoni i bukurise femerore te shekullit XX nxori ne pah disa gra te bukura që asnjë shekull pasardhës nuk ka për ta zbehur bukurinë e tyre.

Ato janë bërë simbol i bukurisë femërore dhe emrat e tyre qëndrojnë më lart se bukuroshet e shpallura nëpër sallone bukurie dhe konkurse kombetare dhe ndërkombëtare. Nuk ka pasur mashkull që i ka parë e te mos ketë ëndërruar për gra te tilla si: Ava Gardner, Grace Kelly, Elizabeth Taylor, Greta Gabro, etj..

Por nga te gjithe gratë e bukura te botës ne shekullin XX, thuhej se njëra ka qenë më e bukura, e cila nuk ishte aktore hollivudiane, vajzë modelesh, apo një grua publike e njohur nga e gjithë bota. Ajo ishte një princeshë dhe njëkohësisht nje mbretereshë fanatike qe do ta kishte për turp ta shpallnin gruan më të bukur ne bote. Emri i saj është Faezia (Fevzia) Fuat Ali ose e njohur ndryshe edhe si Fevzia Fuat Shirin.

Princeshe Fevzia ishte bija më e madhe e Mbretit Fuat te Egjiptit, i pari mbret egjiptian i koheve moderne, ajo eshte e njohur edhe si motra me e madhe e fatkeqit mbretit Faruk, te eilin shqiptarët e kane degjuar me te shumti, pasi ai i dha strehe mbretit Zog te Shqipërisë pas arratisjes se tij nga Shqipëria ne prill te ’39. Para se te flasim per Fevzien, le te themi dy fjale per familjen e saj mbretërore dhe origjinën e tyre te pamohueshme shqiptare.

Familja Mbreterore
Tashmë është e njohur që Familja Mbretërore Egjiptiane ishte një familje shqiptare e mbetur atje që nga koha e themeluesit të Egjiptit modern nga gjenerali shqiptar, i madhi Mehmet Ali me origjinë nga Zëmblaku i Korgës (jo nga Pojani sig flitet), i dërguar në Egjipt nga Sulltani turk për të shtypur rebelimin Mamluk (Mamluk në arabisht do të thotë, i huaj ose edhe i bardhë) pas tërheqjes së ushtrisë së Napoleon Buonopartlt.

Mehmet Ali shkoi në Egjipt në vitin 1805 në krye të një ushtrie turke të udhëhequr nga një bërthamë ushtarësh shqiptarë prej 6000 trupash, të përzgjedhur nga vetë Mehmet Ali. Ai i nënshtroi mamlukët me luftë e me dredhi dhe vendosi në Egjipt dinastinë e tij.

Dinastia
Sundimi i Mehmet Ali Shqiptarit në Egjipt pasqyrohet me hollësi sipas dokumenteve të shumta të lëna nga personalitete të ndryshme botërore të asaj kohe. Por merita me madhe për trashëgimin e emrit shqiptar është e vetë Mehmet Aliut, i cili nuk dinte të fliste asnjë gjuhë tjetër përveg shqipes dhe që shpesh thoshte me mburrje se ishte një shqiptar e bir shqiptari e që mundohej të bëhej një egjiptian (arab) i mirë. Ai filloi të mësojë turqisht dhe arabisht në moshën 45 vjege, po në këtë moshë filloi të mësojë edhe të shkruante për herë të parë në jetën e tij, pasi shqipja nuk ishte gjuhë e shkruar.

Duhet përmendur këtu që Mehmet Ali nuk e orientoi Egjiptin drejt Lindjes dhe Portës së Lartë, nga e cila varej, por drejt Perëndimit dhe, veganërisht drejt Francës dhe Anglisë ku edhe i shkolloi fëmijët e tij. Fevzia ishte stërmbesa e tij, vajza e Fuatit, i cili ishte bir i Ismailit, djalë i Ibrahim Pashës. Gjyshi i saj, Ismaili në vitin 1867 vendosi titullin e lartë Khedive në mbretërinë egjiptiane, tituli që ngeli deri në vitin 1914 kur i biri i tij dhe babai i Fevzies e shpalli veten mbret dhe shkëputi të gjitha lidhjet me Perandorinë Turke tashmë të shkatërruar. Pas 1917 do të quhej sulltan dhe pas vitit 1923, ai do të shpallej përsëri mbret.

FOTO:

/shtegu