Premton Kurti: Do t’ua paguajmë vjehrrat që ua këqyrin fëmijët..

Kryeministri Albin Kurti ka qëndruar për fushatë zgjedhore në qytetin e Pejës.
Gjatë ditës, ai vizitoi një lokal të tekstilit, ku u takua me gratë punëtore të këtij biznesi, të cilave ua bëri një premtim të ri.

Kurti u zotua se të gjitha grave, për fëmijët e të cilave përkujdesen gjyshet e gjyshërit, përkatësisht vjehrrit do të paguhen nga shteti.

“Të gjithë ju që keni fëmijë, e që për ta përkujdesen vjehrra, kemi me ua pagu vjehrrat”, premtoi Kurti, premtim ky që u përcoll me të qeshura e duartrokitje nga të pranishmet.

E ky premtim i Kurtit nuk pati gjë tjetër, përpos ngjashmëri me premtimet e deklarimet e dikurshme të bashkëpartiakut të tij, Agim Bahtiri.
Kurti së fundi u kritikua shumë për përmbajtjen e fjalimeve të tij gjatë fushatës në komunat e ndryshme të vendit.

/ms