Prehu në paqe o hero i kombit Ismail Shabani. Shkruar nga Dr. Gjyla Çeliku

Në Wisconsin, SHBA kaloi në amshim Ismail Shabani, atdhetari i parë shqiptar nga Kërçova i cili vazhdoi misionin e Kombit Shqiptar në SHBA. Ky atdhetar ishte streha e shqiptarisë si me aktivitete ashtu edhe me donacione.

Tek bisedonim mbrëmë vonë me një familjarin tim dhe mikun e tij, me aq shumë nostalgji dhe me lot në sy tregonte aktivitetet me protesta për pavarësinë e Kosovës, aktivitetet kulturore duke vënë në skenë filma shqip, aktivitetet duke shpërndarë libra shqip.

“Pas çdo akitiviteti dikund 150 ose 200 e më shumë aktivistë shqiptarë shkonim drekonim në restorantin e tij”, tregonte Destan Aliu. Në këtë restorant diskutuan dhe u takuan shumë patriotë shqiptar, u mblodhën shumë ndihma për nevojtarët e për kauzën kombëtare, u bënë shumë lobime e fushata, u krijuan shume miq në Kongres e Senat.

Patrioti Luan Gashi që u miqësua me familjen Shabani edhe heroi i kombit Ukshin Hoti.
Ismail Shabani do të jetë shembulli i shqiptarisë dhe atdhedashurisë pa interes, por me aktivitete në vepër dhe progres.

Nderimet e fundit për Ismail Shabanin do të mbahen më 27 mars prej orës 16:00- 20:00 te Qendra Shqiptare në Çikago, Berkeley, Illinois, derisa, varrimi do të bëhet në vendlindjen e tij në Kërçovë.

Ngushëllime familjes, shoqërisë, Kërçovës dhe të gjithë shqiptarisë!
Prehu në paqe o hero i kombit Ismail Shabani që faktikisht i bashkove shqiptarët në Amerikë, sepse këtu nuk lejojnë tradhëtarët!
Dr. Gjyla Çeliku