Popullit tim Poezi nga Dr. Arbër Çeliku

Populli im i dashur
A nuk po e vëren?
Se edepsëzët të vrasin përditë e nga pak
Rrospitë meshkuj në dhomat e kuqe
Që mbarsen për natë për një karrierë të sëmurë politike
Për një post të dhjerë në qeverinë e prostitucionit

Populli im, i dashur
A nuk po e kupton?
Se edepsëzët këtë në kurriz tëndin po e bëjnë
Ty të përdorin si prezervativ në kohë zgjedhjesh
Të lajkatojnë qenqe derisa të të fusin në shtrat
Pastaj shqelmin ta vënë

Populli im i dashur
Ti sot je kthyer në zhele
Atyre edhe jaka e këmishës në qafë u vezullon
Me puro kubaneze ditën nëpër kafiqet elitare të Shkupit e kalojnë
Derisa ti vegjeton e vegjeton
Dhe thyen duart dru për dimër ku të gjesh

Populli im i dashur
Të gjithë kriminelët e qeverisë së prostitucionit u liruan nga burgu
Edhe nga përndjekja penale madje
Me djersën tënde të tharë në bluzën tënde me qindra herë
Duhet paguar shpenzimet e gjyqit
Për fajtorët e pafajshëm kriminelë
E ti vegjeto, o populli im i dashur
Thyej gishtat për një tegëll hajvar

O populli im i dashur
Nga ku buron gjithë kjo neglizhencë për mirëqenien tënde
Pse gjithë ky verbim në kohë dhe hapësirë?
A nuk po heton se këta të vrasin natën dhe të qajnë ditën
Në emrin tënd
Me djersën tënde
Pasuri marramendëse po bëjnë

O populli im i dashur
Fëmijët e tyre
Ende me pelena në brekë
Zotërojnë firma milionëshe
Para syve tua vozisin Bentley e Porsche Panamera të modelit më të ri
Teksa fëmijët e tu Mc’Donalldsave në Gjermani punojnë
Dhe nga malli për shpi shuhen
Derisa një ditë të mësohen me fatin
E të të pështyjnë ty në fytyrë

O populli im i dashur
Këta horrospitë meshkuj
Që vetja u duket Don Zhuanë
Mbarsen qenqe për një post në qeverinë e prostitucionit
Me flamurit tënd ndër shekuj të larë me gjak
Burgjet përplot me bijtë e tu mbushur janë
E këta prostituta të ndershme
Qe 20 vjet i lirojnë
Sa ulen në karrike
Kinse ligjet i interpretojnë
Dhe, në fund tregtojnë me jetët e tyre
Siç tregtuan me viktimat e Goli Otokut
Dhe siç tregtojnë sot me dëshmorët e kombit
Me gjuhën shqipe dhe flamurin kuqezi

O populli im i dashur
Seç më vjen zorrët nga barku t’i vjell
Tek i shoh si të tërheqin zvarrë
Rrospitë meshkuj të denjë për respekt
Që të shitën për një post të pjerdhur në qeverinë e prostitucionit
Dhe vetë po bëjnë sefa
© A.Ç., Kërçovë, 20 tetor 2023

/ms