Policia financiare bastisi shtëpinë e deutetit ! A po don te frikësoj…
Deputeti nga radhët e VMRO-DPMNE-së Jovan Jauleski ka publikuar sot, se në orët e hershme të mëngjesit në shtëpinë e prindërve të tij kanë hyrë pjesëtarët e policisë financiare dhe kanë kryer bastisje.
Ai për rastin ka njoftuar në statusin e tij në facebook ka shkruar: “Nga ora 05:30 deri në këtë moment në shtëpinë time kanë hyrë dhe po kryejnë bastisje policia financiare”.
“Mëngjesin e sotëm në shtëpinë ku jetojnë prindërit e mi, në ora 05:20 ka ardhur policia financiare dhe ka kryer procedurë hetimore për firmën ku punon babai im.
Këtë e shoh si tentim të fundit të pushtetit për frikësim para votimit të sotëm të mosbesimit në Kuvend ”, ka deklaruar për Telma deputeti Jauleski. Për rastin në fjalë ka reaguar edhe VMRO-DPMNE-ja.
“Ajo që në shtëpinë e deputetit Jovan Jauleski në mëngjes ka hyrë policia financiare dhe MPB-ja e Spasovskit, në ditën e votimit të mosbesimit të Qeverisë, nënkupton që regjimi i Zoran Zaevit është i dëshpëruar dhe zgjedh mjete për presione dhe shantazhe ndaj deputetëve.
Metodat e këtilla të ngjashme sikurse të Çausheskit ashpër do të mposhten”, thuhet në reagimin e VMRO-DPMNE-së.
Tani për tani nuk ka informatë nga Policia financiare se pse është kryer bastisja.
/alsatm
